Panairi i produkteve tradicionale.

Është hapur këtë të premte panairi i produkteve tradicionale në sheshin “Dëshmorët e Hasit” në qytetin tonë. Në këtë panair u ekspozuan punime të ndryshme sipas traditave, si veshje, elemente tradicionale dhe produkte ushqimore të trevave të Hasit, Tropojes, Malësisë së Gjakovës dhe Rafshit të Dukagjinit. Nën ritmin e muzikës dhe valleve tradicionale nga grupi artistik “HASI” vizitorët e këtij panairi shijuan në një atmosferë ndryshe, produktet tradicionale të trevave Hasit, Tropojës, Gjakovës, Pejës, Junikut dhe Deqanit. Panairi ishte një rast i mirë për të krijuar lidhje mes fermerëve me tregtarët e vegjël lokale të zonave kufitare apo edhe më gjerë. Nxjerrja në treg e prodhimit bujqësor është një mundësi për rritjen e mirëqenies në shumë familje që jetojnë në kushtet e varfërisë. Paniri u organzua në kuadër të programit të bashkëpunimit ndërkufitar Shqipëri-Kosovë me mbështetjen e Bashkisë Has.

 

  

 

 

Titulli “Qytetar Nderi ” i Hasit i jepet Presidentit të Republikës së Kosovës Z.Hashim Thaçi.

Titulli “Qytetar Nderi ” i Hasit Ju dha Presidentit të Kosovës Z.Thaçi për kontributin e çmuar në Luftën e Kosovës ,Presidenti u shpreh mirëmjohës për të gjitha familjet hasjane për ndihmën që i’u dhanë vëllezërve të tyre kosovarë. Gjithashtu Z.Thaçi u shpreh i motivuar për një “Shqipëri të Madhe “. Falenderojmë Këshillin Bashkiak dhe Kryetarin e Bashkisë Z.Adem Lala për këtë vlerësim.

Shoqata e bëmirësisë “Jetimat e Ballkanit” me z.Halil Kastrati vijnë në Has për bamirësi.

Pas takimit me kryetarin e Bashkisë z.Adem Lala ,  z. Halil Kastrati një bamirës që ka ndihmuar me qindra familje Shqiptare vjen në  Has për të vazhduar  misioni e tij në ndihmë të familjeve në nevojë . Bashkë me Kryetarin e Bashkisë  vizituan nga afër 3 familje , mes varfërisë  e si të mos mungonte kjo edhe me anëtarë të sëmurë .Ku ju dha lajmi më  i mirë i jetës së  tyre për ndërtimin e 3 shtëpive , së  shpejti do të nisë ndërtimi i dy shtëpive të tjera. Ne s’mund të bëjmë dot gjëra të mëdha, vetëm gjëra të vogla me dashuri të madhe (Nënë Tereza).